Monday, September 18, 2017

भट्टराईको नाममा राष्ट्रिय आमसंचार प्रतिष्ठान गठन गरिए नेवाः पत्रकार राष्ट्रिय दबू कडा संघर्षमा उत्रने

Source : http://www.lokhitnepal.com

काठमाडौँ । सरकारले कृष्णप्रसाद भट्टराई राष्ट्रिय आमसञ्चार प्रतिष्ठान स्थापना गर्न लागेकोमा देशभरका नेवाः पत्रकारहरुको राष्ट्रिय संगठन नेवाः पत्रकार राष्ट्रिय दबूको आपत्ति जनाएको छ । दबुले एक बिज्ञप्ति प्रकाशित गर्दै सो आपत्ति जनाएको हो l बिज्ञप्तिमा भनिएको छ , “पत्रकारहरुको सीप तथा दक्षता अभिवृद्धि र अद्यावधिक गर्न राष्ट्रिय आमसञ्चार प्रशिक्षण प्रतिष्ठान स्थापना गर्न लागेकोमा देशभरका नेवाः पत्रकारहरुको राष्ट्रिय संगठन नेवाः पत्रकार राष्ट्रिय दबू सहर्ष स्वागत गर्दछ ।

प्रतिष्ठानको स्थापनाले आमसञ्चार सम्बन्धी अध्ययन, अनुसन्धान र प्रशिक्षणद्वारा पत्रकारिताको उच्चतम व्यावसायिक अभ्यास, पत्रकारिता पेशालाई व्यावसायिक र मर्यादित बनाउन स हयोग पुर्यायाउनेमा कसैको दुईमत हुन सक्दैन । २००८ सालमा स्थापित नेपाल पत्रकार महासंघलाई २०१२ सालमा पुनःगठन भएपछि अध्यक्ष हुनुभएका कृष्णप्रसाद भट्टराईलाई संस्थापक अध्यक्ष मानी उहाँको नाममा नाममा प्रतिष्ठान गर्न लागेको समाचारप्रति नेवाः पत्रकार राष्ट्रिय दबूको गम्भीर असहमति प्रकट गर्दछौं ।”

बिज्ञप्तिमा थप भनिएको छ असहमति प्रकट गर्दा मुलुकको लोकतान्त्रिक आन्दोलनका अथक योद्धा, राजनीतिमा आदर्श र निष्ठाका पर्यायका रुपमा रहनुभएका सम्मानित नेता स्वर्गीय भट्टराईको अपमान गर्न खोजेको पटक्कै होइन । स्वर्गीय भट्टराई आधुनिक नेपालको लोकतान्त्रिक चेतना, त्याग र जागरणमा सम्मानित र अनुकरणीय राजनेता हुनुहुन्छ । इतिहासको तथ्य बंग्याएर मात्र सन्त नेता कृष्णप्रसाद भट्टराईको वास्ताविक रुपमा सम्मान नहुने यस पत्रकार दबूको मुलभूत मान्यता रहेको भनिएको छ ।
दबुले आमसञ्चार प्रतिष्ठान सम्मानित नेता भट्टराईको नाममा गठन गर्ने सरकारी तयारी प्रति कडा आपत्ति जनाउँदै महासंघका संस्थापक अध्यक्ष सत्यनारायण बहादुर श्रेष्ठको नाममा राष्ट्रिय आमसंचार प्रतिष्ठान गठन गर्न नेपाल सरकारसँग माग गरेको छ l

दबुले सत्यनारायण बहादुर श्रेष्ठ पत्रकार महासंघको संस्थापक अध्यक्ष भएको इतिहासलाई मेताऊन खोजेको आरोप लगाउदै तत्काल सच्याउन नेपाल सरकार तथा नेपाल पत्रकार महासंघसँग माग पनि गरेको छ । नेपाल पत्रकार महासंघको संस्थापकको विवादित विषय नटुंग्याई सन्तनेता भट्टराईको नाममा राष्ट्रिय आमसंचार प्रतिष्ठान गठन गरिए नेवाः पत्रकार राष्ट्रिय दबू कडा संघर्षमा उत्रने चेतावनी समेत दिएको छ ।

No comments:

Post a Comment