Monday, December 25, 2017

पत्रकार दबूयात गोल्डेन डायमण्ड एण्ड ज्वेलरीपाखें आर्थिक ग्वाहालि

पत्रकार दबूयात गोल्डेन डायमण्ड एण्ड ज्वेलरीपाखें आर्थिक ग्वाहालि

नेवा: अनलाइन न्युज – रवि महर्जन | २०७४ पौष १०, सोमबार १७:१७:३५

नेवाः पत्रकार राष्ट्रिय दबूया ग्वसालय् थ्वहे वइगु ने.सं. ११३८ पोहेलागा पंचमि (पुस २२ गते) शनिवाः यलया मंगलबजाःया भण्डा केब, लायकुलि सुथसिया ११ ता ईनिसें सनिलया ४ ता ईतक मिडिया फेस्टिबल तःजिक न्यायेकेगु ग्वसाः ग्वयातःगु दु ।

थ्वहे झ्वलय् पत्रकार दबूपाखें थीथी ज्याझ्वः न्ह्याकाः वयाच्वंगु दु । थ्वहे मिडिया फेस्टिबल प्रचार प्रसारया झ्वलय् आइतवाः छगू ज्याझ्वः जूगु दु ।  उगु ज्याझ्वः कथं नेवाः पत्रकारिता ख्यः च्वन्ह्याकेगु आज्जुं गोल्डेन डायमण्ड एण्ड ज्वेलरी व नेवाः पत्रकार राष्ट्रिय दबू दथुइ छगू सम्झौता जूगु खः ।

यलया १२ वडा हःखाय् च्वंगु उगु गोल्डेन डायमण्ड एण्ड ज्वेलरीं नेवाः पत्रकार राष्ट्रिय दबूनापं सहकार्य याना देय् न्यंकंया थीथी जिल्लाय् पत्रकारिता तालिम न्ह्याकीगु प्रतिबद्धता प्वंकूगु दु । व्यवसायिकलिसें  सामाजिक उत्तरदायित्वया अवधारणाकथं नेवाः पत्रकारिता ख्यलय् दक्ष पत्रकार ब्वलंकेत दच्छिया दुने कम्ती नं न्यागू तालिमलिसें थीथी ज्याझ्वः न्ह्याकेत उगु ज्वेलरीपाखें आर्थिक ग्वाहालि याइगु सम्झौताय् न्ह्यथनातःगु दु ।

मिडिया फेष्टिभलया सम्पर्क सचिवालयसं जूगु उगु ज्याझ्वलय् नेपाल सुनचाँदी व्यवसायी महासंघया केन्द्रीय न्वकू लिसें ज्वलेरीया प्रमुख ज्ञानुराज शाक्यया जहान सुनिता शाक्य व वय्कःया काय् समिस शाक्य व पत्रकार दबूया केन्द्रीय नायः श्रीकृष्ण ज्यापुं सम्झौता पतिइ ल्हाःचिं तयादीगु खः ।

उगु ज्याझ्वलय् नेवाः पत्रकार राष्ट्रिय दबूया केन्द्रीय सल्लाहकारलिसें राष्ट्रिय समाचार समितिया प्रधान सम्पादक राजु शाक्यं व्यावसायिक संस्थापाखें पत्रकारिता ख्यः विकासया नितिं ग्वाहालि यायेगु थुगु सम्झौता व्यावसायिक सामाजिक उत्तरदायित्व अवधारणा अनुुरुप नेपाःया सम्भवतः न्हापांगु व न्हूगु अभ्यास जूगु नुगः खँ तयादीगु खः ।

थुगु अभ्यासपाखें समावेशी सञ्चारया विकासया नितिं विशेषतः दक्ष नेवाः पत्रकार उत्पादनय् ताःई तकं सकारात्मक लिच्वः वइगुलिइ विश्वस्त जुइफैगु भाजु शाक्यया धापू खः ।

अथेहे, नेवाः पत्रकार राष्ट्रिय दबूया केन्द्रीय नायः श्रीकृष्ण ज्यापुं व्यावसायिक संस्थापाखें पत्रकारिताया विकासया नितिं जूगु थुगु ग्वाहालिं व्यावसायिक संस्थाया नितिं मेमेगु सिबें नं बांलाःगु उदाहरण जुया पलिस्था जुइफूगु विश्वास प्वंकादिल ।

भाजु ज्यापुं समावेशी सञ्चारया नितिं न्हापांगु मिडिया फेष्टिभल जुइत्यंगु इलय् ह्वःताः चूःलागु थुगु ग्वाहालिया विशेष महत्व दुगु न्ह्यथसेंं थुगु पलाखं पत्रकार दबूया संस्थागत विकासय् धिसिलाक्क न्ह्यांवनेत लिधंसा जुइगु खँ न्ह्यथनादिल ।

उगु ज्याझ्वलय् पत्रकार दबूया केन्द्रिय मूछ्याञ्जे सुनिल महर्जन, दांभरी व मिडिया फेष्टिभलया मू कजि सुरेन्द्रभक्त श्रेष्ठं सम्झौताया अन्तरवस्तु नापं मिडिया फेष्टिभलबारे नुगः खँ तयादीगु खः ।

पोहेलागा पंचमि (पुस २२ गते) शनिवाः जुइगु न्हापांगु मिडिया फेष्टिभलया ल्यू कजिः राजेश बज्राचार्यं लसकुस यानादीगु उगु ज्याझ्व: नेवाः पत्रकार दबूया केन्द्रिय छ्याञ्जे के.के. मानन्धरं न्ह्याकादीगु  खः ।



1 comment:

  1. CNC machines require CNC professionals who can manage these industrial processes with at present's state-of-the-art CAD expertise. PCMag.com is a number one} authority on expertise, delivering lab-based, unbiased evaluations of the latest products and services. Our professional CNC machining industry evaluation and sensible solutions help you make better shopping for selections and get extra from expertise. For example, g-code, the almost common language of CNC we have today, didn't exist. Each producer was pushing its personal language for defining numerical control or part packages .

    ReplyDelete