‘किपू नगरया संस्कृति, सम्पदा व पर्यटन प्रवर्द्धनय् संचार माध्यमया भूमिका’ अन्तरक्रिया ज्याझ्वः
११३८ तछलाथ्व नवमी/ किपू
बुखँ विविशा शाक्य
Source : http://jheegu.com
किपूया ऐतिहासिक सम्पदा, मूर्त अर्मूत संस्कृतिया प्रवर्द्धन, संरक्षण यानाः पर्यटकीय पूर्वाधारया निर्माण यानाः वन धाःसा आन्तरिकया लिसें बाह्य पर्यटक प्रवर्द्धन यायेगुलि संभावना दु तर थुकियात साकाररुप बिइत चरणबद्ध योजनाया आवश्यक जु । ‘किपू नगरया संस्कृति, सम्पदा व पर्यटन प्रवर्द्धनय् संचार माध्यमया भूमिका’ अन्तरक्रिया ज्याझ्वःया उलेज्या याये धुंकाः किपू नगरपालिकाया प्रमुख रमेश महर्जनजुं थःगु बिचाः प्वंकादिगु खः ।
किपूलिइ तःतधंगु उद्योग, कलकारखाना थापना जुल धाःसा पर्यटन उद्योग प्रर्वद्धन यायेगुलिइ अझ अप्वः बः दइगु खँ न्ह्यःथंसें किपूया पर्यटकीय गन्तव्ययात प्रचार प्रसार यायेगु संचारमाध्यम व पत्रकारया धर्म खः थुकिइ खःगु कथं भुमिका म्हितेत सञ्चारकःमिपिन्त इनाप नं यानादिगु दु ।
किपूयात सांस्कृतिक व पर्यटकीय नगरया रुपय् विकासयायेगु तातुनां नगरपालिकाया ज्या न्ह्यानाच्वंगु जानकारी ब्यूसें ध्यानाचाे (चम्पादेवी) केवलकारया स्थापनाया नितिं अध्ययन जुयाच्वंगु व स्वलाया दुने थुकिया प्रतिवेदन वइगु खँ धयादिल । यदि थ्व ज्या जुल धाःसा ५१ प्रतिशत नगरपालिकाया शेयर व ४९ प्रतिशत थीथी संघ, संस्थाया लगानी जइगु खँ जानकारी नं बियादीगु दु ।
उगु हे ज्याझ्वलय् न्वंवायेगु झ्वलय् किपू नगरपालिका संस्कृति, ललितकला व पर्यटन विषय समितिया कजि रमेशमान डंगोलजुं किपूया इतिहासय् उल्लेख जुयाच्वंगु ऐतिहासिक थाय्याःगु संरक्षणय् थःपिन्सं बः बियाच्वनागु ख‘ कनादिसें संचार माध्यमया ग्वहालिं जक थःपिनिगु योजना पूवनिगु धयादिल ।
व हे झ्वलय् गोरखापत्रया पुलांम्ह सम्पादक व वरिष्ठ पत्रकार, नेवाः पत्रकार राष्ट्रिय दबूया सल्लाहकार पुष्कर माथेमां पत्रकारिता ख्यलं संस्कृति, सम्पदा व पर्यटन प्रवर्द्धनया खँय् तःधंगु भूमिका म्हितीगु खँ कनादिसें बुखँ सम्प्रेषण यायेबलय् उकिया प्रभावयात विचाः यायेमाःगु खँय् बः बियादिल ।
अथेहे वरिष्ठ पत्रकारया लिसें नेपालभाषा टाइम्स न्हिपौया सम्पादक सुरेश किरण मानन्धरं पर्यटकयात झीगु नेपाःया गौरव संस्कृति, जात्रा पर्व व परम्पराया विषयस पर्यटकयात लक्षित यानाः आर्कषित पहलं समाचार संप्रेषण यायेमाःगु खँय् बः बियादिल ।
अथेहे पर्यटनविद् दिलेन्द्रराज श्रेष्ठजुं विश्वया थीथी देय्या पर्यटनया घटनात कनादिसें नेपाःया पर्यटनया नितिं मल्लकालिन संस्कृति, सम्पदात महत्वपूर्ण जूगु धयादिसें थज्यागु खँय् संचार जगतं सकारात्मक लिच्वः लाइकथं बुखँ सम्प्रेषण यायेमाःगु खँ कुलादिल ।
नेवाः पत्रकार राष्ट्रिय दबुया नायः श्रीकृष्ण महर्जनया सभा नायःसुइ न्ह्याःगु खः । किपूयात म्हसिका बिइगु इतिहास लेखन, सम्पदा निर्माण व संस्कृतियात ल्यंका तयेगु ज्याय् नगरपालिकां नापं न्ह्यावनेत सञ्चारमाध्यम नाप सहकार्य यानाः वनिगु खँय् विश्वस्त जुगु खँ प्वंकादिल । ज्याझ्वलय् केन्द्रीय दुजःपिं, यें, यल व ख्वप जिल्लाया पदाधिकारीपिनिगु नं उपस्थिति दुगु खः ।
किपू नगरपालिकाया गुहालिइ नेवाः पत्रकार राष्ट्रिय दबू केन्द्रया ग्वसालय् जुगु उगु हे ज्याझ्वलय् सगरमाथा गयेत ताःलाःपिं पत्रकारपिं कल्पना महर्जन व पूर्णिमा श्रेष्ठयात दोसल्ला न्ययेकाः हंगु खः । अन्तरक्रिया ज्याझ्वलय् मय्जुपिन्सं सगरमाथा गयागु अनुभव कनादीगु खः ।
११३८ तछलाथ्व नवमी/ किपू
बुखँ विविशा शाक्य
Source : http://jheegu.com
किपूया ऐतिहासिक सम्पदा, मूर्त अर्मूत संस्कृतिया प्रवर्द्धन, संरक्षण यानाः पर्यटकीय पूर्वाधारया निर्माण यानाः वन धाःसा आन्तरिकया लिसें बाह्य पर्यटक प्रवर्द्धन यायेगुलि संभावना दु तर थुकियात साकाररुप बिइत चरणबद्ध योजनाया आवश्यक जु । ‘किपू नगरया संस्कृति, सम्पदा व पर्यटन प्रवर्द्धनय् संचार माध्यमया भूमिका’ अन्तरक्रिया ज्याझ्वःया उलेज्या याये धुंकाः किपू नगरपालिकाया प्रमुख रमेश महर्जनजुं थःगु बिचाः प्वंकादिगु खः ।
किपूलिइ तःतधंगु उद्योग, कलकारखाना थापना जुल धाःसा पर्यटन उद्योग प्रर्वद्धन यायेगुलिइ अझ अप्वः बः दइगु खँ न्ह्यःथंसें किपूया पर्यटकीय गन्तव्ययात प्रचार प्रसार यायेगु संचारमाध्यम व पत्रकारया धर्म खः थुकिइ खःगु कथं भुमिका म्हितेत सञ्चारकःमिपिन्त इनाप नं यानादिगु दु ।
किपूयात सांस्कृतिक व पर्यटकीय नगरया रुपय् विकासयायेगु तातुनां नगरपालिकाया ज्या न्ह्यानाच्वंगु जानकारी ब्यूसें ध्यानाचाे (चम्पादेवी) केवलकारया स्थापनाया नितिं अध्ययन जुयाच्वंगु व स्वलाया दुने थुकिया प्रतिवेदन वइगु खँ धयादिल । यदि थ्व ज्या जुल धाःसा ५१ प्रतिशत नगरपालिकाया शेयर व ४९ प्रतिशत थीथी संघ, संस्थाया लगानी जइगु खँ जानकारी नं बियादीगु दु ।
उगु हे ज्याझ्वलय् न्वंवायेगु झ्वलय् किपू नगरपालिका संस्कृति, ललितकला व पर्यटन विषय समितिया कजि रमेशमान डंगोलजुं किपूया इतिहासय् उल्लेख जुयाच्वंगु ऐतिहासिक थाय्याःगु संरक्षणय् थःपिन्सं बः बियाच्वनागु ख‘ कनादिसें संचार माध्यमया ग्वहालिं जक थःपिनिगु योजना पूवनिगु धयादिल ।
व हे झ्वलय् गोरखापत्रया पुलांम्ह सम्पादक व वरिष्ठ पत्रकार, नेवाः पत्रकार राष्ट्रिय दबूया सल्लाहकार पुष्कर माथेमां पत्रकारिता ख्यलं संस्कृति, सम्पदा व पर्यटन प्रवर्द्धनया खँय् तःधंगु भूमिका म्हितीगु खँ कनादिसें बुखँ सम्प्रेषण यायेबलय् उकिया प्रभावयात विचाः यायेमाःगु खँय् बः बियादिल ।
अथेहे वरिष्ठ पत्रकारया लिसें नेपालभाषा टाइम्स न्हिपौया सम्पादक सुरेश किरण मानन्धरं पर्यटकयात झीगु नेपाःया गौरव संस्कृति, जात्रा पर्व व परम्पराया विषयस पर्यटकयात लक्षित यानाः आर्कषित पहलं समाचार संप्रेषण यायेमाःगु खँय् बः बियादिल ।
अथेहे पर्यटनविद् दिलेन्द्रराज श्रेष्ठजुं विश्वया थीथी देय्या पर्यटनया घटनात कनादिसें नेपाःया पर्यटनया नितिं मल्लकालिन संस्कृति, सम्पदात महत्वपूर्ण जूगु धयादिसें थज्यागु खँय् संचार जगतं सकारात्मक लिच्वः लाइकथं बुखँ सम्प्रेषण यायेमाःगु खँ कुलादिल ।
नेवाः पत्रकार राष्ट्रिय दबुया नायः श्रीकृष्ण महर्जनया सभा नायःसुइ न्ह्याःगु खः । किपूयात म्हसिका बिइगु इतिहास लेखन, सम्पदा निर्माण व संस्कृतियात ल्यंका तयेगु ज्याय् नगरपालिकां नापं न्ह्यावनेत सञ्चारमाध्यम नाप सहकार्य यानाः वनिगु खँय् विश्वस्त जुगु खँ प्वंकादिल । ज्याझ्वलय् केन्द्रीय दुजःपिं, यें, यल व ख्वप जिल्लाया पदाधिकारीपिनिगु नं उपस्थिति दुगु खः ।
किपू नगरपालिकाया गुहालिइ नेवाः पत्रकार राष्ट्रिय दबू केन्द्रया ग्वसालय् जुगु उगु हे ज्याझ्वलय् सगरमाथा गयेत ताःलाःपिं पत्रकारपिं कल्पना महर्जन व पूर्णिमा श्रेष्ठयात दोसल्ला न्ययेकाः हंगु खः । अन्तरक्रिया ज्याझ्वलय् मय्जुपिन्सं सगरमाथा गयागु अनुभव कनादीगु खः ।
No comments:
Post a Comment